Your Daily News

A Nupui Dawt Thu Zawmin Amah Hringtu A Nu Ngei A Hnawtchhuak

0 687

Pa pakhat chuan a nupui dawt thu leng vel awihsakin amah hringtu a nu ngei a hnawtchhuak tih an sawi. A fapain a hnawhchhuak avanga rilru na leh mangang a nu taplai video chu social media lamah a darh chiam tih hriat ani.

He video minute 6 vela sei ah hian nu pakhat chu car chhungah thuin rilru nain mittui nen a inhnit hlap hlapa, a fapa in a chunga a thil tihdan chu a hrethiam lo hle ani.

He thil hi Indonesia rama thleng niin nu pakhat a hming tarlan loh chuan a pasal ina a awm loh hlanin a nu chu kut a thlak bakah a vin vak vak bawka, diklo takin dawtin a puh zui bawk.

A nu chuan an monu chu an chhungkua hrisel zawk nan leh an lo thianghlim zawk theih nan a naute diaper a hmansate chu tha takin a paihna hmunah paih turin a hrilha, tianga a nuin thu tha a hrilh chu ngai thei loin “I bawlhhlawh siamte hi an rimchhiain a tawp fe zawk asin” tiin kut a thlaka a hau let hrep tih an sawi.

A fapa a rawn haw hnu chuan a nupuiin a nu chu a letlingin a heka, amah zawk a nuin kut a thlak tih hrilhin a pasal chuan engmah thudik a hriat loh avang leh a nupui thu a awih nghal avang chuan a nu chu an in chhuahsan turin a ti zui ta a ni.

“Ka nupui kut i thlak leh a nih chuan i chaklo ngawt ang” tiin a nu chu a ankhum zuia, inchhung atangin pawnah a umchhuaka, lungchhe takin a nu kalngaihna hrelo chu Car-ah thuin a tap nasa hle.

He video hi social media lamah thehdarh a nih hnuin he nu hi an lainat mai bakah a chanchin an dilchhut hle tih hriat a ni. A fapa, mahni nute ngei hmangaihna chang pawh hrelo leh nupuite tlawn lungawi nana mahni nute hnawtchhuak duh mipa fa hian demna tawngkam a dawng nasa hle a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!