Your Daily News

A Nupui Chaw Ei Turah Sazu Thatna Tûr A Pawlhsak Avangin A Nupui Bakah A Fapa Nausen Duhawm Tak A Chân Tel

0 594

Brazil, Itapema-ah nu pakhat chu a pasalin a chaw ei turah tûr a pawlhsak avangin a naute nen an thi tih hriat a ni.

Luiz Adivaldo de Souza kum 35 mi chuan a nupui Josieli Lopes a chaw ei turah tûr a telhsak hnuin an fapa nausen nen an thi tih an sawi. Josieli Lopes kum 36 a upa chuan a chaw a tûr telh a ei zawh hnu chuan naute hnute a hnektir a, a hnute tuiah tûr chu kalchhawng lehin naute pawh chuan a thihpui ta a ni.

Josieli leh a fapa nausen hi kum hmasa September thla khan an bo thu hriat a nia, an bo hnua kar khat liam hnuah an ruang hi Police-ten an hmuchhuak leh a ni. October thlaah De Souza hi ruang a thuhruk avang leh tual a thah avangin thubuai siamsak a ni. A fapa leh a nupui ruang a thuhruk hnuah a nupui Josieli anga inlanin a nupui chhungte hnenah message a thawna, a contacts zawng zawng a block zui nghal a ni. De Souza’n a nupui tianga dahbo a tum chhan pawh a thikthu chhiat vang niin an sawia, a nupui chu a lakah a rinawm tawk lo niin a sawi.

Police-ten Investigation an kalpuina atanga a landanin, Josieli chuan sazu tûr a ei hnu hian a pasal hnenah a nawmsam loh thu a hrilh, damdawi in lamah hruai tumin motor in a tlanpuia damdawi in lam panpui ta lo chuan Rio Dos Cedros ramngaw ah a fapa nen kalpuiin tah hian an boral zui ta a ni.

De Souza hi a thubuai ngaihtuah mek niin thiam loh a chang a nih chuan na taka hremna pek a nih tur thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!