Your Daily News

A Nupui Boral Tawh Chu Engtik Niah Emaw Chuan Scientist-ten An La Tihdam Leh Beiseiin Kum 50 Chhung Zet A Dahtha!

0 1,640

China, Shandong hmun a khawsa pa pakhat chuan a nupui thi tawh ruang chu kum 50 dawn a vawngtha tih hriat a ni.

1971, May thla liam tawhah khan Mr. Gui nupui kum 49 mi Zhan Weilian chu vanduaithlak tak maiin Cancer natna tuarin a boral a, a nupui chu thihna kutvawtin man tawh mahsela a ruang thlan thima an zalh tur chu a ngai ngam ngang lo tih an sawi.

Mr. Gui chuan a nupui mual liam mai tur chu phal loin, a nupui ruang chu cryogenics hmangin minus 196 degree celcius liguid nitrogen ah a vawng tha ta a ni. Ms Zhan Weilian ruang chu Yinfeng Biological Group Lab a tuidahna tank litre 2000 dawng chhungah a dahtha tih hriat a ni.

Gui chuan a nupui thi tawh hnenah, “Chawl hahdam lawk ang che” tiin a ruang chu uluk takin tank chhung hmun vawt tak maiah chuan a muttir ta a ni. Mr. Gui chuan tianga a nupui ruang kum 50 dawn a dahthat chhan chu a nunna lakkir leh theih a rin vang niin a sawi.

Mithiamte chuan Zhan a thih hnu hian a thisen chhuak tur dan nan a taksaah damdawi an chiu lut a, tiang hian kum 50 dawn chu an vawng tha ta a ni. Yinfeng Life Science Research Institute ah hian tunthlengin mi 10 ruang an vawng tha tawh a, an nunna lakkir leh erawh sawi tur an awm lem lo a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!