Your Daily News

A Nun Chhanhim Nan Thingkung Pasalah A Nei!

0 865

A Nun Chhanhim Nan Thingkung Pasalah A Nei!

Fa 2 nei tawh, thingkung pasala a neitu nu pakhat chuan a pasal thingkung nen an inkar boruak chu a that thu sawiin, Krismas vawi 3-na hmang turin an inbuatsaih mek tih a sawi.

Kate Cunningham kum 37 a upa leh thingkung (a hming tun a Elder) tia a thlaksak tak nen hian 2019 kumah Sefton, Merseyside-ah inkutsuihin an innei a, thingkung nen a an inhmangaihna chu chuai mai loin, hunpui lo thleng tur thlasik boruak hmachhawn turin an inbuatsaih chho mek tih a tarlang.

Nu mak danglam tak Kate Cunningham chuan a pasal thingkung chu kar 1 ah vawi 5 a tlawh ziah thin a, pangpar nen mawi taka cheiin a pasal chu a thuam mawi thin a ni. Kum 3 liam ta khan Kate leh thingkungte hi an innei a, he thingkung hi pasala a neih chhan ber pawh tualchhung Park kaltlanga kawng siam an tum chu dodalin, thingkung chu kih a nih mai loh nan leh a nunna chhan him nan tiang hian pasal atan a pawm zui ta a ni.

Kate leh a pasal thingkung chungchang hian khawvel hmun tam takah sawi a hlawh hle a, eng vanga thingkung chu pasala pawm ta mai nge a nih tih zawhna a dawng thin chu lawmawm a ti tak zet a ti bawk. A chhan chu midangte hnenah ram ngaw humhalh a tul zia leh mihringte tan thingkung pawimawhzia a sawichhuah theih phah thin a ti a ni.

Kum engemaw zat liam tawhah khan Mexican nu pakhat chuan thingkung pasalah a lo hnei tawh bawk a, Kate Cunningham pawhin Mexican hmeichhia hnung a zui thu a sawilang ve nghe nghe.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!