Your Daily News

A Nu Pitar Chawmtu Ber Chin Nula Fel Tak Chu A Phone-ah CDM Chhinchhiahna An Hmuh Avangin Sipaiten An Man

0 410

June 14, 2021 liam ta khan Myanmar sipai awm ngaihna hrelote chuan Yangon khawpui, Kyauktada veng chhung a Chin mi leh sa awmna hmunah mikhual an thlen leh thlen loh an dap vela, hetih lai hian Chin nula pakhat chu a phone an ensaka a chhungah CDM sign An Hmuh avangin an man zui tih hriat a ni.

In a lo awm ve mi pakhat sawidanin, zan dar 10:30PM ah sipaite chu inchhungah lutin an phone leh an ID te an endik zuia, mikhual an awm leh awm loh an enfel nghal bawk tih a tarlang a ni.

Hetih rual hian Chin nula fel tak pakhat Grace-i chu a phone an dik hnuah a phone chhungah Civil Disobedience Movement chhinchhiahna Kitzungtang 3 an hmu hlauh maia, a phone nen lam an hruai chhuak zui ta ani.

Sipaite hian Grace chenna in chauh an endika hmundang an luh loh avangin mi tute emaw in an report a nih ring an awm a, hmundangah chuan mikhual pawh an endik chuang lo tih an sawi.

Grace thiante chu an ID te pawh an pekir leh tawh niin an sawia, amah tak erawh a chhuak thei rih lo tih hriat ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!