Your Daily News

A Nu Nena Thla An Lakdunna A Pholan Hnuah Netizen-te An Luangliam

0 929

I nu nen thla inlak dunin mi tam zawk chuan i nu a nih zia chu engemaw ti zawng talin an hre nghal mai in a rinawm. I nu ah an ngai lo a nih pawhin i farnu emaw ah chuan an ngai pawh a ni thei. Mahse, a tlangpuiin i bialnu ah chuan an ngai mawh viau in a rinawm.

Mahse, Internet user pakhat chuan a followers mi 40,000 chuang hmuhah a nu nena an thlalak chu tarlangin netizen-te rilru ngaihtuahna erawh a buai map thung.

A chhan ber pawh Jonathan Nguyen-a nu chu a fapa tluk zeta no leh lang naupang, hmeltha bawk si niin an thik emaw tih mai turin an rilru a khawihdan a dang hle.

A caption ah pawh, “I kum rualpui hmeichhe hmeltha tak thlalakpui tur i tawn hma zawng chu Asian nu hmeltha leh no tak nena thlalak dun hi a hlimawm ber mai” tiin a ziak nghe nghe. He post hian 14,000 likes a hmuh bakah Facebook lamah vawi 4,000 lai shared a ni.

Netizens tam tak chuan a nu hmelthatna leh a lan nona thuruk chu an zawt chik hle tih Jonathan chuan a sawi. Kum 22 mi Jonathan’an Daily Mail Australia a hrilh danin a nu hmeltha leh duhawm tak mai chu kum 40 a tlin tawh thu sawiin, exercise laa a ei leh in a uluk avanga lang no reng a nih thu a sawi.

He post hi a darh chiam hnuah Jonathan Nguyen nu chu a invawn felna leh a taksa a enkawl danah an fak mawlh mawlh a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!