Northern India, Shahjahanpur ah Ni 20 leka upa nausen hmeichhia pakhat chu a nu leh pa ten ramhuai zawla an ngaih avangin a nung chungin an phum.
Nausen lungngai authawm leh tap thawm chuan darkar thum hnuah tanpuitu a hmu ta a ni.
Naupang tapthawm hre hmasa bertu Dharmendra Kumar chuan dar 7 leh a chanve khan naute an phumna hmunah hian ka kal a, naute tap authawm ka hriat avangin thawm lam chu ka pan a, hman hmawh takin lei chu ka hai a, naute chu ka la chhuak a, a la dam avangin rang takin government hospital ah ka kalpui nghal a ni. Tichuan a hnuah police hnenah thu ka thlen bawk tiin a sawi. Naute an phum hi duh dah taka phum a ni a, an phumna khur pawh a thuk loh thu a sawi bawk.
Nausen a nung chunga an phum chhan chu Ramhuai inti be thei doctor anga ngaih chuan in naute hian ramhuai a zawl ti a, a lo hrilh vanga nausen hi a nung chunga phum ta mai niin nausen chhungte chuan an sawi.
Police te chuan nausen a nung chunga phumtu a pa, a pu leh Ramhuai inti be thei doctor hi an man tawh thu an sawi a, mahse naute nu erawh a la bikbo thu an sawi bawk.