Your Daily News

A Mitlem Vuah Miten Hmusita An Sawisel Hnuah Rangkachak Mit Vuahin A Thlak

0 672

Zu dawr nghak thin Danni Winrow kum 25 mi chu vanduaithlak tak maiin mit cancer natna retinoblastoma a vei tih hmuhchhuah a ni a, hetih lai hian thla 6 chauh a upa a la ni nghe nghe. A mit chu a hmantlak tawhloh avang leh atan awmzia a neih tawh loh avangin an paihsak zui ta a ni.

Danni chuan a mit lehlam an paihsak avang chuan mit lem (prosthetic eye) a vuah a, a sikul luhnaah leh awm honaah miten an chhaihnawmnah fo thin a, hmusitna a tuar fo thin tih a sawi a ni.

Naupang tê a nih lai hunah chuan miten an hmusitna leh an sawiselna chu a tuar chhuak thei mai a mahse, a lo puitlin hnu leh Bar manager a a tan hnu chuan sawiselna chu tawrh har a ti hle mai a, a mit lem chu rangkachak mit (golden eye) a thlak danglam a tum ta a ni.

Mite hmusitna leh diriamna chu tawrh har a tih avang chuan a mit lem vuah (prosthetic eye) chu lachhuakin rangkachak mit, £1620 man chu a vuah ta a ni.

Amah Danni sawidanin, “Tunah chuan darthlalang hmaah dinga ka inen pawhin ka hlim a, nuam ka ti hle a ni. Midangten ka mit an thlirdan turah lungkham ka nei lo” tiin a sawi a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!