Your Daily News

A Mit A Vai Nia Sawiin A Fanu Kum 3 Mi A Nghawngah Chemtea Zaiin A That

0 712

Thailand, Surat Thani Phun Phin district-ah nu pakhat chuan a fanu kum 3 a upa, a kianga mu lai chu a nghawngah zaiin a that tih hriat a ni.

Police-te sawidanin hmeichhe naupang ruang hi an mutna puanphah chungah an hmuh thu an sawia, a hrawkah thuk taka zaithler niin thisen pawh a chhuak nasa hle tih an sawi. He naupang thattu hi naupang hringtu nu ngei, kum 43 mi Bupha Yuensuk a nih thu an tarlang bawk.

A pasal Sathit Uantui sawidanin a fanu chu khawvar hma hretin a nupui hian a that niin a sawia, a nupui hi a mut tlem em avangin a mit a vai thin tih sawiin a fanu chu a that ta thut mai a ti a ni. A sawi zel danin a fanu kum 3 mi chu, a nu Bupha chuan miten an pawngsual rawn a hlau niin a sawia, tianga a ngaihtuahna kal velah chuan lungngain a fanu chu a that tih a tarlang bawk.

Pa ber Sathit sawindanin a nupuiBupha-in a fanu a that zan hian khum dangah a mu niin a sawia, a zing tho chu a nupui chuan chemte humin amah intihhlum a tum tih sawiin, rang takin chemte chu chhuhsaka an piah lawkah chuan a fanu ruang lo let reng mai chu a hmu chawpchilh ve nghal niin a sawi.

Sathit chuan police a ko nghala an chhungkaw chunga thil thlendan chu a sawi chhuak ta vek a ni. Pa ber chuan Isaan province Sakhon Nakhon atangin Surat Thani Phun Phin district ah rubber chinna hmun enkawl turin an rawn lut tih a sawia, an fanute 2, kum 8 mi leh kum 3 mi pawh an hnenah an hruai tel ve tih a sawi. Police-ten thil tihdan tur ruahmanna an siam mek tih hriat a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!