Your Daily News

A MAN THEI CHUAN DOLLAR 32000 A HLAWH DAWN

0 1,049

Scam tia an koh hemi ui fingtak hi a rim hriatna a that em avangin a man thei an awm chuan dollar 32000 pek an nih tur thu OC chanchinthar chuan January 24 khan a tarlang. Scam hi English springer spaniel ui chikhat a ni a, kum 5 kalta atang tawh khan England ram Panbrowyer hmunah thil rim hnim hna a thawk a ni.

Hemi kum 5 chhung hina Scam hian Pound 6,000,000 (usd 7,800,000) man vaihlo a man a, policete bumtu mi depdete pawhin Scam hi chu an bum thei meuh lo a ni. A finna leh rim hriattheihna hi Policete chuan duh hle mahse a ruka thiltih chingte ve thung chuan an haw em em a ni.

Ni kum atang khan Scam hian a hna a chawlhsan hrih a, a chhan chu Scam man theitu chu lawmman a tan pound 25000 kan pe ang titu an awm vang a ni. Hetia lawmman pek huama intlangzarhtute hi mi tha nilovin misual an nih an ring bawk. Amah avang hian sum tamtak a ruka thiltih chingten an hlauh tawh avangin thah an duh a nih an ring.

Scama hma chiahah pawh hian Ui fing tak Suambra an tih pawh dollar 70000 laiin an lo thap tawh bawk. Suambra hi chu Columbia policete uifing a ni a, an ram chhunga drug traffickingho ten thah an duh a nih an ring.

source ‘DVB’

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!