Your Daily News

A Mak Ṭhin Teh E!Thailand Tlangval 3 An Innei!

0 2,524

Mi 3 inneihna ang chi hi tunlai hunah a lar chho hle. Thailand tlangval 3 te chu an inngainain an inhmangaih tlata, chhunzan zawmin an inkawpa an inthen thei meuh lo! Tiang an inzui hnu hian December 8, 2020 chhunlai taka inneihna changtlung tak an buatsaiha, he an inneihna ah hian an chhung leh khatte bakah thenrual thate pawh an tel kim hle.

An 3 chuan Buddhist phungki-te chuan mal an sawm hlawm a, inkutsuihna urhsun tak an nei zui ta a ni. Thailand sawrkar chuan mi 3 inneihna hi dan ang chuan a phal a phal lova, Buddhist sakhaw danin an innei tih an sawi.

Chaw hmeh siam thiam kum 30 mi James Chandmthonh leh lam thiam kum 22 mi Nong Amsapchan te chu an inkawp hmasa a, kum 7 chuang an inkawp hnuah lamthiam tho Nong Toei Buutawat kum 24 mi an tawnga, an 2 in an duh ve ve nghal tih an sawi.

An 3 a an inkawp kual hnuah inneih mai chu tha an tia, kutsuihna an nei zui ta a ni. Nong Toei Buutawat nu pawhin a fapa kawppui tur mi 2 te chu a duhpui bakah tluang taka hun an hman zel theih nan duhsakna a hlan nghal bawk.

2015 liam taah pawh khan Thailand tkangval 3 te chu an lo innei leh tawh tih an sawi. Uthai Thani Province a cheng tlangval kum 29 mi Joke, Bell kum 22 mi leh Art kum 26 te chu sakhaw danin an lo innei tawh a ni. Heng mipa 3 te hi Thailand rama mipa innei hmasa ber te an nia, Buddhist sakhaw kaihhruaina hnuaiah inneihna an buatsaih a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!