A Lungchhiatthlak Mang e! Pakistan Rama Police Hnathawk Lai Chu Kawngpui Zau Laiah dingin A Fa Rs 50k In A Hralh!
A Lungchhiatthlak Mang e! Pakistan Rama Police Hnathawk Lai Chu Kawngpui Zau Laiah dingin A Fa Rs 50k In A Hralh!
He khawvel hi zawng khawvel a nihna hi a lo lang leh thin! Khawvel ram thang chho mek Pakistan rama police hnathawk lai pa pakhat chu kawngpui lunlai takah a dinga a fate 2 chu rs.50000 in a hralh a lei duhte hnenah a hralh a ni. Tianga a fate a hralh lai video chu a darh zui a, a chanchin hian mite ngaihtuahna a tibuai hle ani. Mahni fate sum duhna avanga han tihral mai dunhna thinlung neitu mihring chu eng ang thinlungpu mi nge maw a nih dawn le!
He police pa hi kawngpui zaulai tak leh hmun lun laiah tak a dinga, a fa te chu tunge lei duh ang tiin Rs 50,000 ($285) in a hralh a, a au nasa mai tih an sawi. A fante 2 kum 6 pawh an pel lovang tih hriat rengte chu pa ber authawm chuan a tithlabar ngei ang le!
Prisons department police hna thawk lai Nisar Lashari chuan ama thisen hrin ngei a fate a hralh ta mai chu miten mak an ti hle a, tualchhung chanchinbu mite pawhin news headline-ah an chhawpchhuak nasa tih an sawi.
Engvangin nge he Policeman hian a fate a hralh tak mai le? tih chu mi tam takin an thil hriat chak leh an ngaihthlak chak ber a nih ngei a rinawm.
Vice World News in a tarlan danin, Lashari hian a fapa damlo kan turin chawlh lak a duh a, an hotupa chuan chawlh a pe dawn a nih chuan sum a pek a tul ang tiin thamna pawisa pek a phut tih a sawi. An hotupa chu thamna sum a pek duh loh avangin khawpui atanga 120km a hla Larkana hmunah an hotupa chuan a sawn hla ta daih mai a ni.
Lashari chuan engvangin nge thamna a pek duhloh avanga an boss chuan tianga hremna pe ta nge a nih tih sawiin, Karachi khawpuiah thubuai thehlut tur tak ngial pawhin sum a neih loh thu a sawi a, a dinhmun chu a chhe tak zet tih a sawilang bawk. Lashari chu a dinhmun khirh tak avang hian engber nge a tih hmasak dawn tih pawh a sawi thei meuh lo ani.
A rilru hamhaihna avang leh in lama a nupui leh fanauten enge an ei ang tih ngaihtuahna nen sum a neih bawk siloh avangin, beidawn tawpah a thisen hrinte ngei a fate chu hralh a tum ta mai a ni tih a sawi.
Policeman Lashari chanchin lungchhiatthlak tak mai chuan mite ngaihven a hlawh chho hle mai a, heng mite zinga pakhat Sindh chief minister Murad Ali Shah chuan Lashari dinhmun khirh tak chu sutkian dan kawng a dap nghal a, a hnathawhna hmun ngai Ghotki-ah thawk chhunzawm turin a lakir leh ta a ni. Hei bakah hian a fa damlo hmu turin chawlh ni 14 chhung a pe zui bawk a ni.
