Your Daily News

A Lei Taksa Awm Tawh Lo Mahse A Graduation Day-ah Telpui Turin A Nu Boral Tawh Thlalak A Hung Chhuak

0 620

Zirlaite kawng zawh chhoh meka hun pawimawh leh hlimawm ber hun chu Graduation hmuh ni hi a ni. Hemi ni hian rim taka kan hnathawh rahte chu kan seng thin ani.

Mahse, he ni pawimawh takah hian i tana mi pawimawh leh tel ngei tura i ngaihte pawh thihna avang te leh harsatna dang vangte pawhin an telpui thei lo che pawh a ni thei. Heng ang harsatna leh nu hmel hmuh chaka hun hmang mek Zirlai hlawhtling remruat dan hian mite sawi a hlawhin fing an tia nute chawimawi a thiam an ti em em bawk. A nu duhtak chu a lei taksa awm tawhlo mahsela a kiangah ngei a nu chu dintir a tum ruh hle a ni.

A graduation Day-ah a nu thlalak chu minung tiata lianin a thlalak a siama he hun lawmawm takah hian a nu thlalak chu a kalpui ta a ni.

Zirlai hlawhtling, mahni hringtu nu hmangaih leh zahthiam tak, Paula John Alinsog tia koh hi a nu in zirna tha a dawn theih nan theih tawp chhuahin a lo enkawl thin a ni.

Mahse, vanduaithlak takin a hriselna a that loh avangin a fapa Graduation Day hlimawm tak leh ni pawimawh ber chu a hmu hman ve ta lo a ni. Paula John Alisog nu hi 2016 khan Pneumonia natna in a boral ta hlauh mai a ni.

Tianga a tel thei lo nachungin a fapa Paula chuan ngaihtuahna fing tak hmangin a nu thlalak lian takin a siama a Graduation Day hun pawimawh taka tel turin a nu thlalak chu a keng ve ta a ni. He thlalak lungchhiathlak ang reng tak hi a sirah dintirin a hlim hmel hmuh a nuam hle tih an sawi.

Paula hian Lyceum of Philippines (LPU), Bussiness Management ah Bachelor of Science degree a hmua a nu tan thinlung khawih zet thu Twitter kaltlangin a thai lang bawk.

Paula John thil tihdan chu mi tam takin a finthlak tiin an chhuang tak zet tih an sawi. A thente erawh he thil hian an mittui a titla thung a ni. Kan nu leh pate damlai ngeia hmangaih taka enkawl leh an thuzawm hi kan tih ngei tur a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!