Your Daily News

A Kawppui Tur Diktak Hriat Tumin Kum 43 Chhungin Nupui 53 Zet A Nei Hman

0 931

Kum 63 a upa Saudi pa chuan nupui 53 zet a nei tih hriat a ni. Tianga nupui a neih tam chhan chu nawmsit bawl nan leh mahni nun hlimna tan niloin, kawppui dik tak zawn hmuh tuma a beihna a ni a ti.

Nupui a neih hnem em avanga ‘Polygamist of the Century’ an tih mai Saudi pa Abu Abdullah hian kum 20 a nihin nupui a nei tan a, heta tang hian rilru lamah muanna leh nupui ngialnghet zawn hmuh tumin hmeichhe dang dang a kawp chho ta a ni.

A nupuite zinga nu pakhat chu darkar 24 chhung chauh nupui atan a kawl hman a ni. Nupui tam tak a neih avangin nawmsitbawlna a zawng lo tih Abu hian sawi mahse, mi tam tak chuan a khawsakdan chu an pawm dam thei bik lo. A nupui hmasa ber chu amah aiin kum 6 in a upa nghe nghe.

Gulf News in a tarlandanin, Abu Abdullah chuan nupui a neih hmasak ber lai chuan, nupui dang neih leh tumna a nei lo tih a tarlang a, harsatna a tawh chhoh tak avangin nupui tam tak a neih phah ta a ni a ti. Mak tak maiin, Abu chuan sualna laka a fihlim theih nan a zinnaah pawh nupui dang a nei mai zel a ni.

Abu chanchin leh a khawsakdan chu Reddit lamah tarlan niin, user tam takin Saudi Leonardo DiCaprio an tih phah hial a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!