Nu chimawm leh nu sual tak mai chuan a pasal sualna thupbo nan a fanu kum 9 mi pawngsualtuah an ui vulh lai chu puhin, a mantir tih hriat a ni.
Mexico, Tlahuac-ah chhungkaw ui vulh lai chu hmeichhe naupang pawngsual tu ah puh a nih hnuin, Police ten an man a mahse, he thubuai phenah hian nuber pasal chu a inhnamhnawih ngei tih Police te chuan an sawi. A fanu pawngsual a nih chungchangah nu ber chu a pasal humhim tumah puh a ni bawk.
Hmeichhe naupang kum 9 mi pawngsual a nih lai hian in chhungah midang an awm lo niin chhungkaw nu ber chuan a sawi a, ui chu in nghaktu a nih avangin a fanu khawihtu leh pawngsualtu a ni tiin thuneitute hnenah a pasal humhim duhin tawngkam a chhuah zui ta a ni.
Mahse, Police te chuan thil thlendan an chhuizuinaah, ui chu hmeichhe naupang pawngsualtu a nih theih an rinloh avangin hnuchhui hna chu ngawrh takin an bei a, a tawpah chuan thudik an hailang ta nghe nghe a ni.
Hmeichhe naupang kum 9 mi pawngsualtu chu an vulh lai niloin, a pahrawn zawk a ni tih an hrechhuak ta a ni.
Thla liam ta pawh khan Texas-ah hmeichhe kumtling lo pakhat chu rawlthar 3 in an pawngsual hnuah an that zui a, a ruang chu bawlhhlawh paihna hmunah an paih zui tih an sawi.
