USA, New York khawpuia pa pakhat chuan a kalna hmun apiangah a hnungah lehkha tarin a anupui dam lo kal thlak ngai tan tanpuitu a zawng thu a tarlang a ni . A lehkha tarah chuan ” kal mamawh a ni, ka nupui tan B+ mobile number 9174426202″ tiin a ziak a ni.
A nupui tana phuihna zawngtu chu Lilit Marcus chuan thla a la a, Twitter ah a post a ni. Dar kar rei lo te chhungin mipui tam takin an hmu a an share bawk a ni. Twitter a mi hmingthang tak Zach Braff, Martina Navratilova leh Evan Rachel Wood te pawhin he post hi an share bawk.
A nunpui tana tanpuitu, tha hnemngai taka zawngtu hi Raymond Thompson a ni a, kum hnih chhung a nupui hian kalnatna a tuar meka a kal chu thlak a ngai tawh a ni. Raymond Thompson te hian kum 4 mi fanu an nei bawk tih hriat a ni. Raymond Thompson nupui Miley chu kar khatah vawi thum kal thlak tura inenkawlna centerah enkawl thin a ni a, a vawikhat luh hian darkar thum meuh a rei thin a ni. Raymond Thompson leh a chhungte chuan Miley chu kal pek an duh hle a, mahse a milpui annih loh avangin an pe thei lo a ni.
A nupui tanpui tura khawvel a ngen hnuah chuan Raymond Thompson hian twitter hmang lo mahse khawvel hmun hrang hrang atangin mi inphalte hnen atangin a mobile number tarlanah chuan message leh phone call a dawng mawlh mawlh ta mai a, a nupui Miley tan kal hlan duhtu ten an rawn biak avang chuan Raymond chu hlim leh lawm avangin a mittui a tla ta hian a ni.