Your Daily News

A Kal (Kidney) Hralhin iPhone A Leia, Kum 9 Chhung Zet Engmah Tithei Loin Khumbetin A Damlo

0 1,658

October ni 13 khan mobile phone ngainatute nghahhlelh ber iPhone 12 chu tlangzarh a ni a, mi tam takin lei an chak tak zet. Mi thenkhatten fiamthuin an kal (kidney) hralhin lei an tum thu an sawilang nghe nghe. He fiamthu hi a tak ramah changin kal hralha iPhone lei ta te pawh an awm thu hriat a ni bawk. Mahse, Khuanu’n uluk taka a siam taksa peng lo hralh chhawn chu thil tih chi a ni hauh lo.

Hman ni lawk khan China tlangval Wang Shangkun chuan a kal hralhin iPhone a lei tih hriat a ni. Amah hi iPhone a ngaina tak mai niin “Kal 2 neih ka mamawh lo, pakhat a tawk” a ti a ni. Sawrkar phalloha doctor hnathawkte hnenah a dinglam kal chu £2,520 in a hralh ta a ni.

A kal a hralhna sum chuan iPhone manto zet chu a leia, iPad 2 a lei tel bawk. Mahse, vanduaithlak takin thla khat vel a ral meuh chuan a damlo tan a, a kal lehlam pawhin hna a thawk tha thei lova, a hriselna chu nasa takin a tlak chhiat phah ta a ni. Wang chu Kum 25 a lo tling ve tawha, engmah thawk thei loin kum 9 zet chu khumah a hun a hmang tawh a ni.

He kal hralh thubuaiah hian mi 9 man an ni tawha, a kal leinnaa inhnamhnawih doctor-te pawh man an ni tawh bawk. Zangnadawmna 1.47 million pek a ni tih an sawi. (Mirror)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!