Your Daily News

A Inbual Laiin Naute A Hring Thuta, A Hlau Lutuk Chu Tukverah A Paichhuak

0 683

News York, Queens a khaw nula kum 23 mi Sabita Dookram chu Inrinni zan khan a inbuala, bathtub-ah a thut laiin fa a hring thuta, a laihrui zai chatin tukverh atangin pawn lamah a paihchhuak tih hriat a ni.

Bathroom a tihfai hnuah a mu nghala, vanneihthlak takin a naute hi a thilo hlauha a hliam erawh a na viau niin an sawi. A naute paithlakna hi 5 ft a sang niin naute luruk pawh a keh tih an sawi.

Thenawmten naute tap thawm an hriaa an va enchian chuan nausen saruaka lo let reng chu an hmua rang takin police-te an phone nghal tih an sawi. Police-ten thilawmdan an chhui chian hnuin Sabita Dookram kum 23 mi chu a birthday lawm zanah a hnathawhpui pa pakhat nen mipathmeichhiatna an lo hmandun avangin nau a pai tih an hre ta a ni.

Sabita chuan naute chu a chhiat tawhah ngaiin a inbual laia a hring ta thut mai chu a hlauthawng lutukin tiang hian a che zui ta tih a sawi. Police-ten thu an zawhnaah pawh “Ka inbual laiin naute a chhuak thut maia, eng ber nge tih hmasak tur ka hrelova, ka chi-ai lutuk chu tukverhah ka paihchhuak tawp mai a ni” tiin a sawi.

Mahse, Court chuan naute tap thawm hrereng chunga a mutsan avangin thubuai a awrhtir ta tho a ni. A chungchang an ngaihtuah hnu chuan US $50,000 tlanchhuah niin November thla ah rorelna hmaa inlan leh tur tih a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!