Nu pakhat chuan, a hmelthat em avangin, a thian tha berin a pasal neih niah inneihna hmun a tel turin a sawm duh lo tih a sawi chhuak!
Germany, Heidelberg a khawsa Fashion model Alena sawidanin, a thian kawmngeih tak Albina Dyla chuan a pasal neih niah a sawm duh lo tih sawiin, a thawmhnaw hak a inhmeh em avang leh a hmelthat em avangin a thian thaber chuan inneih niah a luahlan ang tih a hlau niin a sawi.
A thian tha ber pasal nei tur Albina Dyla in inneihna hmuna tel tura a sawm duhlohna chhan ber pawh, a hmelthatnain a luahlan ang tih a hlau niin a sawi a ni.
Alena chuan he video clip hi Tik Tok kaltlang a pholan hnuin million 5 chuang zetin an en tih hriat a ni.
Kum 21 a upa model Alena chuan, “Ka thian tha takin a pasal neihnaah min sawm duh lova, a chhan pawh inneih nia ka thawmhnaw hak tur chu ama min thlansak ngei niin, ka inhmeh em avangin a thik thu a chhe nghal” tiin a sawichhuak a ni.
