Uber taxi driver Endris Mohammed kum 47 chuan a fate pahnih Saros Endris kum 8 leh Leanor kum 6 chu petrol hmanga a thah hnuah a nupui Penil Teklehaimanot kum 37 pawh zing lam 3 thumah gas hmanga that tumin an in a hal kang bawk a ni. Mahse vanneih thlak takin a nupui erawh himdam takin a chhuak hman.
A hnuah Endris Mohammed pawh amahin petrol hmangin a inhal ve bawk mahse a nunna a chan hmain chhanchhuah a ni.
Endris Mohammed leh Teklehaimanot te hi Africa khawmual Ethiopia atanga England a refugee a lut an ni . He tianga a tih chhan Mohammeda sawi dan chuan a lo suangtauah thin England ah chuan nuamsa takin an khawsa thei tura a ngaih chu a tak ram a thlen loh avanga beidawng chuan a chhungte thah chimit veka amah pawh inthah a tum ta niin a insawi.
Mahse anihna takah chuan mohammeda hian hnathawk lo mahse a nupui sum lakluh chauh pawha khawsa thei dinhmunah an din thu police ten an finfiah bawk. An fate pahnih pawh hi an school a zirlai titha filawr zingami an ni bawk.
Mohammeda thu an zawhnaah chuan, i beidawn chuan tinge nangmah chauh i intihhlum mai loh i fate ti nge i thah kher tih an zawh chuan, pa nei lo a an khawsa tur ka ngaingam lo a ni tiin a chhang. Mohammed a hi man nghal a ni a mahse court hian kum engzat tang turin nge tih chu thutlukna a la siam lo a ni.
A nupui khawngaih thlak tak Penil Teklehaimanoti chuan tunah chuan neih reng a nei ta lo, a fate a chan a an in a chan a, tichuan a pasal pawh a chan a tul ta a ni.