Your Daily News

A Fate 3 Lai Mai Chu An Kawchhungah Ramhuai A Awm Tiin A Fapa Kum 16 Mi Puihnain A That

0 3,880

Thuneitute thuchhuahin a tarlan danin, Los Angeles nu pakhat chuan Mother’s Day-ah a fate 3 lai mai chu ramhuai hnawhchhuah tumin a fapa kum 16 mi puihnain a that tih an tarlang.

Fa 7 nei tawh, Angela Flores kum 38 a upa chu rawng tak maia a fate 3 lai nunna a lak avang hian Chawlhni zan liam ta khan LA County Jail-ah thawn a ni a, a bail nan hian sum $6 Million zet an phut bawk a ni. Flores bakah hian tualthahnaa inhnamhnawih a puh a fapa kum 16 mi pawh man a ni a, kum tling lo a nih angin Sylmar Junvenile Hall-ah dah luh a ni tih CBS News chuan a tarlang.

Chawlhni zan Dar 7:40am velah Victory Boulivard hmuna Angela Flores te chenna inah tharum thawhna leh inrikrapna a thleng tih Police ten report an dawn avangin helai hmun hi an pan ding nghal a, Flores te in an thlen chuan naupang 3 ruang Natalie kum 12, Nathan 8 leh Kevin kum 10 mite chu a nu kut tuarin chhuatlaiah an lo leng reng tih an sawi. LAPD hnenah Flores chuan a fapa kum 16 mi puihnain heng a fate 3 hi a that tih a inpuang zui ta a ni. Pa ber leh naupang dang 3 te erawh an him niin thuneitute chuan an sawi.

Thenawm khawvengte sawidanin, Angela hian a fate 3 chu an kawchhungah ramhuai a awm tiin a that tih an sawi a, tianga a fapa kum 16 mi puihnaa a fate a thah hnu hian pawnah chhuakin a ua nasa tih an sawilang bawk.

Tual a thah hma hian inchhungah candle a chhi a, a tawngtai bakah a au vak vak tih thenawmnu Priscila Caneles chuan Police te a hrilh . Police ten an man dawn pawh hian “Khawnge ka Bible a awm?, khawnge ka Bible chu?” tiin a phibuai hle tih an sawi.

LAPD te chuan he tualthahna rapthlak tak thlen dan kimchang chu chhui zui mek zel a nih thu an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!