Your Daily News

A Fate 2 Tûra Hraihlumtu Nu Nunrawng Chu Thi Tura A Chungthu Rel A Ni.

0 886

Nu pakhat Nattiwan Rakkujat tia koh chuan a fate 2 tûr a hraihlumin, Online lamah puihna sum a hmuh theih nan an thlalak a pholang zui tih hriat a ni.

Court thuchhuahin a tarlan danin, Nattiwan chuan April, 2015 kumah hmeichhe naupang faah a la a, tianga fa a lak atang rei vak loah a ei tur chawah tûr chikhat telhsakin a dam lo zui ta a ni. Hun a kal zela hmeichhe naupang chu a dinhmun a chhe tial tial a, thisenin a luak zui a, damdawi inah dahluh a nih hnuin August 12, 2019 kum liam ta khan a boral zui tih an sawi.

Hei bakah hian hmeichhe nunrawng Nattiwan chuan September 2017 leh May 2020 inkarah ama fa hrin mipa naupang kum 2 a upa chu a chaw ei turah tûr a telhsak leh a, a taksa hriselna chu dinhmun hlauhawmah a dah leh bawk a ni. Tianga a fate 2 a that hnu hian tanpuina sum a hmuh beiseiin mi thinlung hip nan an thlalak Online lamah a pholang tih hriat a ni.

Tualthattu Nattiwan chu, naupang damlote sum hmuhna atan hman tangkai a tum avang leh tualthattu a puh a nih avangin Court chuan damchhung tang turin hremna a pe zui ta a ni.

Police te sawidanin, Nattiwan chu a fate 2 ruang hmanga tanpuina sum a hmuh Thai pawisa a 42,000 baht chu pekir leh turin Court in a ti bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!