Your Daily News

A Fapa Thian Tha Ber Nen An Innei

0 423

Nu pakhat chuan a fapa thiantha ber leh a aia kum 22 a naupang a ngaihzawn thu a sawi chhuak.

Wolverhampton, West Midlands a khawsa Dawn Northey kum 42 a upa chu a fapain a thian ber Takhari Aldrigde kum 20 a upa hnenah inhmelhriattirna a nei zo chu chawp leh chilhin a thian chuan a nu chu a lo hmeltha nghal mai niin a sawi.

Dawn Northey fapa, Cullam Northey kum 18 a upa leh Takhari kum 20 mite hi 2017 kuma a taka an intawh hma khan kum 3 zet online lamah gaming thian tha an lo ni tawh nghe nghe.

An inhmuh atanga thla 7 liam hnuah, a fapa Cullam in a thian tha Takhari chu an chenna inah a hruai a, a nu nen chuan rei inkawm nel hman lo mahse an pahnihin inngaihsak rukna an lo neih tawh avangin a nu Dawn nen chuan hmangaih taka inkuahin an infawp vawng vawng a, heta tang hian an inkar chu a hma zawng ai pawhin boruak a lang tlang leh zual tih an sawi. Rei a rial hmain nupa ah an insiam zui ta a ni. Dawn chuan a fapa Cullam pawhin a thiantha ber Takhari pasal ah a nei chu a lawmpui tih sawiin midangte erawh chuan hriatthiam har an tih thu a sawi lang.

Dawn Northey leh Cullam-a pa chu January 2018 kumah an inthen a, a inthen atanga kar khat awrh liam hnuah Cullam chuan a thiantha ber Takhari Aldridge kum 20 a upa chu an hnenah khawsa turin a lo sawm tawh nghe nghe.

Dawn chuan Takhari chu a kum ngaihtuahin a rilru a puitling hle tih a sawi a, an 2 a an biak mawlh mawlh lai chuan kar lovah a zunah a uai nghal tih a sawi lang bawk. An inkar thu chu Takhari chhungten an lo hrethuaia, Takhari chu inchhuahsan turin an hrilh zuia Cullam leh a nu Dawn chuan an hnenah hruaiin heta tang hian khawiah mah kal chhuak leh tawh lo turin a thiantha ber nu Dawn nen an innei zui ta a ni.

Cullam chuan a nu leh Takhari te inkara thil awm chu a hriatthiampui tih sawiin, an inhmangaih pawh a phalsak tih a tarlang bawk. Dawn chuan a fapa hnenah a thianthaber nen inhmangaihna thinlung an pu chu a remtihpui loh chuan a fapa rilru tihnat a duh loh avangin then a pawi tih loh thu a sawi ve bawk a, a fapa remtihpuina an dil hnuah hahdam takin nupa ah an insiam ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!