US, Texas a khawsa nu pakhat chuan ama fapa ngei kum 12 a upa a pawngsual tih hriat a ni. A fapa hi pawl 6 zirlai mek a ni nghe nghe.
Brittany Rouleau kum 34 a upa chu saruaka a inbual laiin a hmaah a fapa chu inhrawt turin a nawr tih hriat a ni.
Hemi hnu hian a fapa chu khumah thuin a nu chuan a thawmhnaw a phelhtira, a hnuah a ama thisen hrin ngei chu a pawngsual zui ta a ni. A pawngsual hnu chuan a fapa chu insilfai tura hrilhin, a fapa chu thuhphahah a thua a nu hnenah an thil tih chu thil diklo a ni tiin a hrilh nghe nghe.
A nu chuan a fapa hnenah mipathmeichhiatna hmanpui turin ama remtihna a nei tih hrilhin, buaina a tawh loh nan tu nen ah mah sawichhuak lo turin a hrilh zui bawk. He thil hi 2018 kuma thleng niin mipa naupang chuan amah enkawltu mi pakhat hnenah a nu nena an inkar thil thleng chu a sawi chhuak ta a ni.
Paty’s House Child Advocacy Center ah mipa naupang chu hruai a nia, thil thlendan chu a puang fai ta vek tih an sawi. A nu Brittany Rouleau chu pawgsual thubuai awrhtir niin an man zui ta a ni.
A hnuah an sawidanin an thenawmte hnenah kum 2 liam ta ah a fapa a pawngsual thu chu a sawichhuak tih hriat a ni. (The Sun)
