A FAPA KUM 6 MI’N HOMEWORK A KHAWIH LOH AVANGIN COMA A MUT NGAI KHAWPIN A SAWISA
Mipa naupang kum 6 mi chu a pa kut tuarin thih suala hospital a a awm thu a nu pi Halide O’in a sawi. Mertcan Y hi a nu leh pa an inthen avangin a pa hnen a khawsa a ni.
Turkey, iskenderun a naupang pakhat mertcan Y kum 6 chuan homework a khawih loh avangin vacuum cleaner a thir pipe hmangin a pa Mehmet Ali Y’an coma a mut ngai khawp hial a na a a sawi sak thu police ten an sawi.
An thenawm ten Mertcan Y chu an mahni in ngeiah hliam na tak tuara an hmuh avangin police an call nghal a, rang taka hospital panpui nghal a ni bawk.
Mertcan Y’a nu hian a fapa hospital a coma a a mu tih a hriat chuan rang takin hospital a pan nghal a. He thil hi a pasal hlui Mehmet ali a tih ngei anih thu leh an nupa an inthen hma pawhin a pasal chuan ni tin kut a thlak fo thin vanga in then an nih thu a sawi bawk.
Mertcan Y’a pa Mehmet Ali Y chu naupang kut thlak vanga thiam loh chan tirin a chungthu ngaih tuah tur a man anih thu police ten an sawi.