China, Guangdong Province a khawsa Mr. Huang chuan, a fapa kum 11 miin zinglam Dar 1-ah a smartphone khawiha video games a khelh lai a man thut mai a, khum atanga namthlain Darkar 17 chhung zet games khel turin a nawrlui zui tih hriat a ni.
Guangdong province, City of Shenzhen a cheng naupang kum 11 mi chuan a pa hremna chu a duh emaw duh lo emaw pawh nise a hnial hran lova, chau rak khawpin Darkar 17 chhung zet chu smartphone-ah games a khel a ni.
He naupang hi a chauh em avangin a chang chuan chair-ah a phone a thlauh zui a, “Ka pain min man chhuak a, min hrem a nih hi” tiin phur lo zetin a tawng chhuak tih an sawi.
Mr. Huang chuan a fapa chu a thlir reng a, mittui tla pura a awm hnuah leh a hun tiam chin a thlen veleh a hremna chu a titawp a, a infiamna hun tura a tih piahlamah phone leh thildang engmah khawih tawh lo turin intiamkamna a neihpui nghal a ni.
Mr. Huang chuan a fapa chunga hremna a lekkawhdan leh a thil tihdan chu China Tik Tok version – Douyin-ah a pholang a, nu leh pa dangte pawh an fate smartphone khawihdanah fimkhurpui turin a ngen zui bawk.
