A Fanu Naupangtê A Nghawngah Hrui A Khai Lai Video Facebook-ah LIVE A Pekchhuah Avangin Police-ten An Man
Pa pakhat chuan a fanu kum 3 mi chu a nghawngah hruia hlinga thah tuma a khai lai video chu Facebook-ah Live a pekchhuah hnuin, Police ten manin tualthah tumna thubuai an siamsak tih an sawi.
He thil duhawm lo tak hi Thailand khawpui, Bangkok a thleng niin, Bangkok Metro police te chuan hmeichhe naupang leh a pa an chuanna motor chu lo phar dingin, hmeichhe naupang pa Niran Sakulrak kum 39 mi chu an man zui ta a ni.
A fanu khaihlum tumtu Niran Sakulrak kum 39 mi chu metro police station lamah thuzawhfiah atan lak a ni a, a fanu naupangtê khaihhlum a tum lai video Live a Facebook kaltlanga a pekchhuah avangin thubuai rip tak an awrhtir ta a ni.
A fanu naupangte chu Ministry of Social Development and Human Security enkawlna hnuaiah dah a nih tawh thu metro Police hotupa chuan a tarlang a ni.
