Police te sawidanin, US, Pennsylvania pa chuan a fanu kum 6 mi chu na takin kut a thlak bakah a nungchungin a phum tih an tarlang. Pawikhawihtupa hi tianga a chetna chhan pawh a fanu kum 6 a upa chu dawt sawiah a puh ani.
He hmeichhe naupang hian investigators te a hrilhdanin, a pa John Kraft kum 50 mi chuan kawnghren in a hlap thin bakah kut a thlak ziah tih a sawi a, hei bakah hian an chenna in hnunglamah leikaw thuk takah a nungchungin a phum a, zankhuain a kalsan tih a tarlang bawk.
Greene County District Attorney David Russo sawidanin, he hmeichhe naupang hi kutthlak a khawihchhiat a ni tih an hriat theihna chhan pawh naupang hian a hmaiah leh a taksa hmundangah hliam na tak a neih thu a sawi a, mahni fa te chunga tianga taka che duh John Kraft chetdan chu a rawng tak zet a ti a ni.
Social workers ten September thla tawp lam khan hmeichhe naupang hliam an hmuh thu an sawi a, kar 2 liam hnuah Police ten he hmeichhe naupang hi lain interview an neihpui nghal a. Kraft chetdan rawng tak chu an hrechhuak ta tih an sawi.
Hmeichhe naupang chunga rawng taka kutthlaktu leh sawisa thintu John Kraft chu thubuai engemaw zat awrhtir a ni a, thiamloh a chang a nih chuan hremna a nep dawn lo hle a ni.
