Your Daily News

A Fahrawn Hmeichhe Naupang Kumtling Lo Vawi 105 A Pawngsual Avangin Kum 1,050 Tâng Tura Hremna Pek A Ni

0 1,819

Pa pakhat a fahrawn hmeichhe naupang kum 12 mi pawngsualtu chu kum 1,050 chhung tang tura hremna pek a ni.

CNA in a tarlan danin, Malaysia, Selangor, Sungai Way a khawsa pa pakhat chuan January 2018 atanga tanin February 24, 2020 thleng a fahrawn hmeichhe naupang kum 12 mi chu vawi 105 lai a pawngsual tih session court chuan tarlangin, a thil sual tih atanga chhutsakin kum 1,050 chhung jail tang tura hremna pek a ni ta a ni.

He thil duhawm lo tak hi pa leh a fahrawn hmeichhe naupangte hmun khata an khawsak laia thleng niin, chhungkaw pa chuan a fanu chu a thiltih zep tlat turin a vau beta hmeichhe naupang hian hun rei tak chhung a zep tih an sawi. Hmeichhe naupang hian a nute te ina ah a farnu naupang zawk nen an lenchhuah laiin a chunga thil thleng rapthlak tak chu a sawi chhuak ta a ni.

Hmeichhe naupang nu leh pa dik takte hi 2015 kumah an in thena, a nu chuan November 2016 kumah a fanu pawngsualtu chu pasalah a nei zui tih hriat a ni.

Deputy Public Prosecutor Nurul Qistini chuan pawngsualtu chu na thei ang bera hremna pe tur leh a sual manah vawi 24 talhfiaka hlap turin a thu a titlu ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!