Your Daily News

A Fa A Pai Thu A Chhungte Hnenah A Sawichhuah Avanga Thinrimin Olympic Boxer-in A Bialnu A That

0 864

Court document atanga a landanin Puerto Rico Boxer Felíx Verdejo Sanchéz chuan a bialnuin a fa a pai thu a sawichhuah avanga thinrimin a that tih an sawi. Police-te chuan Verdejo hi an man nghal tih hriat ani.

Olympic Boxer Felíx Verdejo Sanchéz hi 2012 Olympic inelnaah pawh a lo tel tawha, Chawlhni liam ta khan a bialnu chunga a chetdan rapthlak tak avang leh a bialnu thihnaah mawhphurtu bera ngaih a nih avangin man a ni.

Verdejo chuan a bialnu Rodríguez Ortiz chu Ningani liam ta khan inhmu turin a bia a, a car chhungah Ortiz a luh veleh a hmaiah a beng nghala, a kut leh ke phuarin a sawisa zui tih mita hmutute chuan an sawi.

Tianga an inkarah boruak a awm chhan pawh Ortiz chuan a bialpa boxer chhungte hnenah nau a pai thu a sawia, Boxer chuan hei hi ngaithiam loin a thinrima tiang hian a that zui ta niin an sawi.

A bialpa kut tuara boral Rodríguez Ortiz car hi a thih hnuah kalsan a nia, Police-te chuan Friday khan an hmu leh a ni. A ruang hi San Jos Lagoon-ah Inrinni khan an chhar thu hriat a ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!