Your Daily News

A Ek Laiin A Zahmawhah Tak Rul In A Chuk

0 7,909

Inthiarna Ek in chhungah hian rul an lo awm duh khawp maia fimkhur a tul tak zet a ni. A bikin Ek in pipe thalo leh hlui tawhahte hian rul an luta inthiar tura kan thut hmain enfel hmasak a tha hle bawk.

Thailand Nonthaburi khuaa cheng rawlthar pa pakhat Siraphop Masukarat chu a ek lai in phone a enkual paha, rinloh takin pipe kua atanga rul lutru chuan a zahmawh ah tak a chuk thut thu a sawia a hlau hle tih a sawi.

He University zirlai hian Septic tank chhung a zu bihthlaa rul chu a lo awm reng maia a hlauthawng lutuk chu a rak nasa hle tih an sawi. A nu Sutapath chuan rang takin damdawi in lamah a hruai phei nghala doctor-ten hmun 4 ah an ṭhuisaka rul tur dona antibiotic damdawi in an enkawl zui ta ani.

Vanneihthlak takin a zahmawh chuktu rul chu tur pailo saphai a lo ni hlauh maia a dinhmun pawh a tha tih an sawi a ni. A nu Sutapath chuan “Chawngkawr rul ni sela chuan a thih phah ngei ang” tiin rapawm a tih thu a sawi ve bawk. An inthiarna chhehvel ah pawh thisen far hmuh tur a awm nual a ni.

A hnuah rul man thiam koin ek in chhungah a awm avang chuan harsalo takin an man nghala, sai ip chhungah khungin ramhnuaiah an chhuah zalen leh tih hriat a ni. (E tura i thut hmain enfiah hmasa thin ang che) (VIDEO)

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!