Your Daily News

A Chhungkua Ngaihtuahna Avangin Wayne Rooney Chuan Kar 1 A £90,000 Sum A Lakluhna Derby Manager Hna A Chawlhsan

0 4,574

Derby County Football Club manager ni lai Wayne Rooney kum 36 mi chuan a nupui Coleen leh a fapa te kiangah hun nuam leh hlimawm tak a hman theih nan Manager a nihna a bansan tih hriat a ni.

Thulaknain a tarlan danin, Manager Rooney chuan Zirtawpni liam ta khan Derby County manager a nihna a bansan thu hi a puang a, Rooney hian kar 1 ah he Football Club atang hian sum £90,000 a hailut ziah a mahse, a chhungte nen summer holidays hmandun chu thlang zawkin sum tam tak a kalsan ta a ni.

Wayne Rooney kum 36 mi leh a nupui Coleen kum 36 a upate hian thianthate nen Ibiza ah holidays an hmang mek tih hriat a ni a, an zingah hian Manchester United Captain hlui Michael Carrick kum 40 a upa leh West Brom boss Steve Bruce fapa Alex pawh an tel ve nghe nghe.

Thulaknain a tarlandanin, Wayne Rooney hian summer chawlh a nei khat hle a, a fate leh a nupui Coleen te nen summer holidays hmandun chu a duhthusam leh a lo tumlawk tawh a ni tih a tarlang bawk a ni.

Hetih mek lai hian nupa tuakte chuan Wagatha case ah kar leh mai khian court thuremna an dawn beisei a ni. Hriat tawh angin Leicester player Jamie nupui Rebekah Verdy chu Coleen Instagram account lama a mimal thil tiputru tuah puh a ni a, he thil hi Rebekah chuan thudik tawk lo a ni tiin a pha a, Rooney nupui Coleen chu court ah a khing let ta a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!