Your Daily News

A CHAWHMEH SIAM A PASALIN A SAWISEL VANGIN A PASAL A VIT HLUM

0 1,235

A CHAWHMEH SIAM A PASALIN A SAWISEL VANGIN A PASAL A VIT HLUM

Russia rama nu pakhat chuan a pasal chu chemin vawi 35 a vit a ni. Pu Slava Davydkin kum 43 leh  pi  Evgenia Davydkina kum 31 te chuan fanu kum 4 mi nei tawhin chhungkua an din tawh a ni.

Pu Slava hian a thiante nupa chu zanriah kilpuiah leh an in a riak nghal turin a sawm a, pi Evgenia chuan zanriah a siam a ni. Ti chuan an pali chuan no pawh an dawm dun bawk a ni.

Zanriah an kil zawh a no an dawm zawh hnuah pu Salva te nupa chuan an mikhualte nupa pawh an room turah an thlah fel a, an ni nupa pawh an fanu tiamin roomah an lut ve nghal a ni.

Ti chuan pu slava chuan a nupui Evgenia hnenah zanin a i chawhmeh siam kha tuina a nei lo reng reng, kha tiang kha mikhual an hlui ngai lo tiin a nupui chu a hrilh a ni. An nupa chuan an inhau hrep zui nghal a Pu Slava chuan a nupui chu kut a thlak bawk a ni.

An inhauh zawh chuan Pu Slava chu a muhil nghal bawrh bawrh a, chu tak chu a nupui pi Evgenia chuan remchangah hmangin a pasal muhil lai chu chemin a vit ta mawlh mawlh ta mai a ni.

Pi Evgenia hian a pasal a vih zawh chuan an mikhualpa chu kai thoin ambulance a koh tir a ni. Mahse an mikhualpa nupui chuan Pi Evgenia’i chem a hmuh avangin ambulance ko loin police an ko ta zawk a ni.

Pi Evgenia’i ti thinrim tu ber chu a pasalin min hmangaih tak tak chuan chawhmehah chi pawlh ta che tih chu a ni. Pi Evgenia hian fanu kum 4 mi enkawl tur aneih avangin lungin a dah ani lo a house arrest in a awm a ni. Pu Slava hian nupui hmasa lak atang fanu kum 19 mi pakhat a nei bawk.

 

 

 

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!