Your Daily News

A Bialpa Thar Hmu Turin Ni 3 Chhung Zet A Fate 3 In Chhungah kalhhnanin A Chhuahsan

0 1,133

Bangkok khawpuiah nu pakhat chuan a fate 3 chu in kalhhnanin a bialpa thar hmuh tumin a kalsan tih an sawi.

A fate 4 zinga naupang ber thla 4 mi chu thenawmte hnenah lo enkawlsak rih turin a hnutchhiata, a fate 3 erawh an chanchin tumahin an hrelo tih an sawi a ni.

A lo let hun a tiamah a lo kir tak loh avangin police lamah report siam a nia, naupang 3 te hian ni 3 chhung zet chaw an ei tawh lo tih police-te chuan an sawi.

An chungchang chu Foundation for Children and Women lama an hotupa Paveena Hongsakul chuan Khan Na Yao police station lamah hriattir nghalin hma an la zui ta a ni.

Heng naupang nu berin a kalsan takte hi thla 4 mi bakah kum 7, kum 6, kum 4 mite an ni tih an sawi. Naupangte nu Gift tia koh kum 32 a upa hi hmeithai ang maia khawsa anih thu an sawia, a pasal chu damdawi hman khawlohna avangin kum 3 chhung tang tura hrem a ni tih a tarlang bawk.

A fate 3 pawh tualchhung police-ten enkawl turin an la tih an sawia, Gift khawsak dan chu chhui mek niin hremna pek a ni dawn tih an sawi ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!