Twitter user Prateek Aaryan’an a bialnu nen an inthen hnua ‘Heartbreak Insurance Fund’ atanga sum a dawndan kimchang a tarlan chu tunlai hian social media lamah sawi a hlawh hle tih hriat a ni.
Prateek sawidanin, a bialnu nen an inkawp tantirh laiin, an 2 remtihnain Joint bank account an hawng a, he account ah hian 500 ve ve thlatin an deposit thin a ni. Heng an pawisa dahkhawl te hi inrinawmlohsan tuartu zawk chan tur atana tih a nia, a hmingah ‘Heartbreak Insurance Fund’ tiin an vuah nghe nghe.
Hun a kal zel a, Prateek Aryan chu a bialnuin mipa dang kawpin a phatsan ta hlauh mai a, a hmaa thuthlunna an lo neih tawh angin, Prateek Aryan chuan an sum dahkhawl ‘Heartbreak Insurance Fund’ atangin sum Rs.25000 a dawn zui ta tih amah ngeiin Twitter kaltlangin a tarlang.
He Tweet hian mi a hip nasa mai a, he post hi nuai 2.98 Lakhs zet en a ni a, users tam tak chuan tihchhin ve an chak thu leh tha an tih thu an sawi chamchi a ni.
