A BIALNU PIAN NALH TIH LOH VANGA EXERCISE LAK LUIH TIR THINTU AN MAN
A bialnu pian chu nalh lo a tih chuan then mai se ni tur, mahse tih luihna hmanga a bialnu chu exer a lak luih tir thin avangin jail bang a zut ta.
Mohammed Anwaar chuan a bialnu Gemma Doherty chu hmeichhe pian nalh tak te thlalak en tir thinin chung hmeichhia te ang a pian nalh tak nei turin exer a lak luih tir thin mai bakah Mohammed hian a bialnu pian chu a sawisel thin bawk a ni.
A hmangaih em em a bialpa a chenpui Mohammed chuan Doherty pian chu nitin a a sawisel sak thin avang chuan Doherty’i pawhin a inrin tawkna a hloh phah hle a, depression hian a neih phah a ni.
Doherty’i hi fanau nei tawh a ni a, Mohammed hian a fate hmuh lai ngei pawhin kut nasa taka a thlak thin thu Doherty’in court hnenah a hrilh.
A rei chinah chuan Mohammed chuan Doherty chu kut hial a thlak thin avangin Mohammed chu tharum tawh, tih luihna hman thin vang leh human right bawhchhiat vangin court chuan thiam loh chan tirin kum 2 tang tura man a ni ta a ni.