Your Daily News

A Bialnu Kut A Thlak Mek Laiin Lungphuchawlin A Thi Thut

0 1,540

Report atanga a landanin, rugby khel thin Ricky Bibey chuan a bialnu kut a thlak mek laiin lungphuchawlin a thi tih a tarlang.

Ricky Bibey leh a bialnu Jennie Platt te chu Italy ram, Florence, Hotel Continentale-ah July 16 khan an thlengdun a, hetih lai hian a bialpa chuan kutthlakin a khawih zui ta ani.

A bialpa kut tuara rum leh hliam tuar Platt chuan emergency services call in, Police te a ko nghal a, an awmna hotel an thlen meuh chuan Ricky Ribey chu hotel chhuatah nikhaw hre loin a lo let reng mai a ni.

Police ten thil awmdan an chhuizuina atanga a landanin, a bialnu kutthlaka sawisatu Ribey chu lungphuchawlin a thi tih an sawi a, Autopsy result pawhin a thihchhan hi a nemnghet zui bawk a ni.

Ribey bialnu hian hliam a tuar na hle a, a taksa hmun 3-ah operation tihsak a ngai hial a ni.

Florence Police ten MailOnline an hrilhdanin, Ribey hian a nupui kut a thlak hma darkarah cocaine leh ruihlo a khawih tih an sawi a, hei hian a bialnu lakah chetkhawloh duhna thinlung a pe niin an tarlang bawk a ni. Platt erawh damdawi in atangin chhuahtir a ni tawh a, a dinhmun a tha chho niin an sawi.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!