Your Daily News

A Bialnu Hlui Ruboin A Video Facebook-ah A pholang

0 6,024

Thailand ramah pa pakhat kum 40 miin a bialnu hlui Sumonthip kum 18 a upa chu ruboin a kut a phuarsaka, a video chu Facebook ah a post tih hriat a ni.

Thawhlehni tlailam khan Sumonthip leh a nu chu pawn lamah an leng chhuaka a bialpa hlui kum 40 mi Lek chu kawngpuiah an tawk tih an sawi. A bialnu leh a nu chu that tumin a vaua, a fanu Sumonthip chu bike in a tlanbopui ta daih mai a ni.

Tianga a rukbo hnu hian room pakhatah a kalhhnana a kut chu thirzaiin a phuara a nu leh pate hnenah “In fanu ka tihdan hi police-te inhrilh a nih chuan ka that nghal dawn a ni” tiin a vau zui bawk.

Facebook-ah a bialnu hlui a tihdan zawng zawng chu a video tarlangin tianga a rukbo chhan chu a bialnu hlui Sumonthip hian bialpa dang a neia, a thil sual tih zawng zawngte a hriat fai vek avangin a chhuah zalen mai thei lo a ti a ni.

A bialnu hlui Sumonthip chu a chhuah zalen a nih ngat chuan misual pawla, a thian dangte chuan a chungah thil thalo tak an ti dawn a ti bawk.

Police lam chuan a phone chu chhuizuiin Sakon Nakhon’ Phanna Nikhom district ah a awm thu an hre ta a, an man thei rihlo nain man tumin theih tawp an chhuak mek tih an tarlang. (Nation Thailand)

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!