Your Daily News

A Bialnu Hlui Handbag Manto Tak A Zunkhum Avangin Court-in Rs.90,000 Chawiturin A Hrem

0 1,070

South Korea ramah pa pakhat chu a bialnu hlui Bag khai manto tak a zunkhum avangin ramchhung civil court chuan Rs.90,000 chawi turin hremna a pe tih hriat a ni.

An sawidanin, Gangnam-gu hmuna a bialnu hlui te inah pawikhawihtupa hi a leng a, hetih lai hian a bialnu hlui nen chuan an inhnial zui a, an inhnialna chhan ber pawh a bialnu hlui chuan sum remchan taka a hman loh avangin bâ a neih phah tiin mipa hian a hnialpui a ni.

Tiang an inhnial mek lai chuan, mipa zawk chu a bialnu hlui room-ah lutin, a bag manto Louis Vuitton handbag chu a lachhuak a, a bialnu hlui hmuh lai ngeiin a zunkhum ta a ni.

A chetdan chu a bialnu hlui ngaihdan a nih loh avangin, Court ah complaint a thehlut ta nghal a ni. Mipa hian a bialnu bag a zunkhum lo niin a tir lamah chuan thuneitute hmaah a sawi a, a hnuah National Institute of Forensic Science lam chuan bag an endik hnuah a zung ngei tih an nemnhet ta a ni.

Seoul Centre District Court chuan pawikhawihtupa chu India pawisa a Rs.90,000 lai mai chawi turin thutlukna a siam zui ta a ni. Court chuan pawikhawihtu hi a vawi 1 thilsual tihna a nih angin hremna nep zawk a pe tih a tarlang bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!