Your Daily News

A Bialnu Fanu Hmeichhe Naupang A Sawisakhlum Avangin Kum 24 Tâng Tura Hremna Pek A Ni

0 245

Juan Maravilla kum 33 mi chu a bialnu fanu naupangtê a sawisakhlum avang leh a thil tih diklo tak avangin kum 24 chhung tâng tura hremna pek a ni.

Maravilla leh a bialnu Sarah Kairys-te chuan, Kairys fanu thla 11 mi chu damdawi inah kalpuiin doctorte hnenah a fanu chu inchhawng atanga tlapalh angin an sawia, damdawi in an thlen hnu reivak loah he naupang (hming tarlan loh) hi a boral zui ta a ni.

A hnuah Autopsy result atanga a landanin he hmeichhe naupang hi a nakruk a tliah bakah a taksaah ah mihring sehna hnuhma a awm bawk tih an sawia, vawi khat mai niloin vawi tam tak khawih a nih tawh thu doctor-te chuan an sawi bawk. Kairys chuan a bialpain a fanu chu inchhawng atanga tlapalh a nih thu hrilh angin a sawia, a hmaia hliamte chu a duk nasa hle bawk tih an sawi a ni.

A hnuah Maravilla chu police-ten manin zawhna an zawh fe hnuah a bialnu fanu hmeichhe naupang thla 11 mi chu a ât sosang thutin a hneka kut a thlak ta mai a ni tiin a inpuang zui ta a ni.

Zirtawpni liam ta khan Green Bay, Wincosin-ah Maravilla chu first degree tualthattuah leh naupang tiduhdahtuah puh niin kum 24 chhung tang tura hrem a ni.

A bialnu Kairys pawh a fanu enkawl tha duh lo ah leh a himna ngaihthatah puh niin thiam loh chantir a ni bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!