Your Daily News

A Bialnu Birthday Ah Gift Nen Surprise A tum Zeta Mahse, Amah Zawkin Suprise A Dawng Nawlh!

0 6,100

Mipa tawh phawt chuan mahni nupuite leh bialnute tihhlim leh tihlungawi kan duh vekin a rinawm. A bikin tlangval tan phei chuan bialnute hlim taka siam leh an tana thil tha tihsak chu thinlunga lian ber pawh a ni.

Tlangval pakhatin a bialnu a hmangaih em em mai chu a birthday niah tak gift kengin surprise a tum zeta mahse, a rinloh lamin amah zawk chuan surprise a dawng ta nawlh mai le!

Twitter user @KenWong_ chuan social media lamah he thil thleng, thinlung khawih tak mai chanchin chu pholangin, hmeichhe pakhat chuan a birthday niah ngei a bialpa chu mipa dang lakah a phatsan thu a tarlang.

He tlangval hian hmeichhe bialpa a nihna angin a bialnu birthday ah gift nena surprise chu a tum ruh hle. Rose pangpar mawi zet chu a kutin a hum rana, a rilruah chuan a bialnu chuan a thil ken chu a lo hmuh veleh nuisang chungin a lo wel come a ring ngei ang le.

Mahse, a rilrua a lo suangtuahna ang leh a rin angin engmah a kal ta lo, a bialnu chu mipa dang awm nemah beiin a lo rinawmlohsana, ngawi rengin mipa dang nen an inkuah mawlh mawlh lai chu a thlir vawng vawng mai a ni. An hlim ni tura a ruat chu a tan tahna ni ah a chang ta zawk si!

A bialnu rinawmlohzia tichiangtu atan mittui tla chungin thlalak engemaw a la nghe nghe. He post hi social media lamah a darh chiam hnuin mi tam tak chuan he tlangval hi an lainatin, hmeichhe rinawmlo leh mahni birthday niah ngei midang laka bialpate phatsan duhtu chu an dem ngawih ngawih thu an chhak chhuak zui a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!