Your Daily News

A Beihpui Ringah A Knockout Hnuah A Thih Zui Avangin A Career A Chawlhsan Thu Myathai Fighter-in A Puang!

0 4,959

Muaythai boxer chuan a khingpui knockout a, a thih zui avangin a infiamna Muaythai chu a chawlhsan tih a puang!

French fighter Anthony Durand leh Thai Athlete Phanphet Phadungchai te chu July 12, 2022 X Event, Thailand-ah an inhmachhawn a, Pathum Thani Province, Thupatemi Airforce boxing stadium-ah he inelna pawimawh tak hi nghah a ni.

Fighter 2 te hi Round 5 thleng rap an inkhuainuaia, a Round 5-naah Durand chuan a kiu hmangin a khingpui Phadungchai chu ring chhuatah a zalh zui ta a ni.

An sawidanin, ring chhuatah Durand chuan a khingpui hi a kiu hmanga a tauhthluk hnuah vawi engemaw zat a lu-ah a khawih bawk a, a knockout hnuah nikhawhreloin a awm zui a, Bangkok damdawi inah dah luh nghal niin a thluak lam a chhia tih hmuhchhuah a ni a, kar 1 chuang thawkna hmanraw tha te nen enkawl a nih hnuin a tawpah a hliam tuar loin July 23, Inrinni khan a boral zui ta a ni.

Durand chuan a khingpui Phadungchai thihnaah hian mawh a phur then ve a ni tiin, infiamna Muaythai khawvel atangin chawlh a tum ta a ni. Facebook kaltlangin Durand chuan a beihpui Phadungchai hi a thlahliam a, a chhungte hnenah pawh an fapa thihnaah hian mawh a phur ve a ni tiin mahse, heng ang thil thleng tur hi a ngaihtuahnaah a awm ngai loh thu leh nun thapa ti an nih thu a sawi a, an chunga thil thleng chu pawm hahdam turin a ngen a ni.

Durand chuan vawi 28 ringah a luh tawh thu sawiin, a khingpui Phadungchai thih hnuah ringah luh leh a tum tawh lo tih sawiin, a beihpui Phadungchai nen an inhmachhawnna chu a hun tawp a ni tawh tih a puang zui ta a ni. Phadungchai thihna chu pawi a tih thu leh a chhungte a tawrhpui tak zet thu a sawilang bawk a ni.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!