6ft Leh 5inch. A Sang Model Chuan Amah Venghim Turin MMA Fighter Leh Protection Army Officer A Ruai

Model sang thlerh thlawrh tak Charlie Mill kum 27 a upa hi zirna ina a luh laiin a san em avangin a thianten an lo chhaih nawmnah thin a, tunah erawh model lar tak ni chhoin, vantlang hmaah a him theih nan protection officer ngat a ruai tih hriat a ni.

Model 6ft5in. a sang hmeltha leh duhawm tak Charlie Mill hi Baabestation presenter niin, hmelhriat lohten pawn a kalchhuahin tawngkam leh tharum nen lam an bei zui a, a nun a zalen lo hle thin a ni.

Tianga miten an chimbuai fo avangin, Charlie Mill chuan a nunna a derthawng tih a hria a, tun dinhmunah MMA Fighter leh former British army sipai chu hlawh pein, amah venhim hna thawk turin a ruai ta a ni.

A hma pawn Protection army officer Ryan Barby hian heng milar Olly Murs, Rita Ora, N-Dubz members te leh The Scrip te venhim hna a lo thawk tawh a ni.

Model lar kum 27 a upain Daily Star a hrilhdanin, mipui mitlatu a nih hma leh a nih hnu hringnun chu a dang hle tih a sawi a, milar a lo nih tak hnu hian mipa ho hnen atangin zawhna mak tak tak pawh a dawng fo thin tih a sawi a, Ryan chu atan a pawimawh tak zet a ti bawk. He model hmeltha leh sang tha tak hian thlatin sum £60,000 a hlawhchhuak a ni.