Your Daily News

2022 Lo Thleng Tura Zawlnei Baba Vanga Hrilhlawknate: India Ram Tana Chanchin Lungchhiatthlak Tak Chu!

0 8,298

Hrilhlawk theihna mak danglam tak mai a neih avanga “Nostradamus of the Balkan” an tih hial Baba Vanga (a hming tak Vangelia Gushterova) chuan 2022 kum lo herchhuak tura thilthleng turte chu a hrilhlawk leh ta diam mai. Mak tak maiin he mihring hian Brexit leh 9/11 te pawh a lo hrilhlawk ang ngeiin a thleng dik a ni.

Baba Vanga hi 1911 ah a lo piang a, kum 12 mi a nih laiin thlipui na takin a nuaia a mit a del zui ta a ni. Ama sawidanin, heta tang hian Pathianin hmalam hun hrilhlawk theihna finna mak danglam tak a pe tih a sawi a, a hrilhlawkna tam tak chu a thleng dik mek zel a ni.

2022 kum lo herchhuak tura thilthleng tur a hrilhlawk thenkhatte:

Khuarel chhiatna:

2022 kum lo herchhuak turah hian Asia ram tam tak leh Australia chu tuilianin a nuai dawn a ni.

Virus hlauhawm:

Kum 2022 lo herchhuak turah hian Covid-19 chu ziaawm chho turah mi tam tak chuan kan ngai a, Vanga erawh chuan virus hlauhawm tak a lo chhuak dawn a ni a ti mauh mai. A sawidanin Siberia ah researchers team te chuan virus hlauhawm tak a hmuchhuak dawn a ti a ni.

Tui in tur tlakchhamna a thleng ang:

Baba Vanga chuan khawvel khawpui hmun tam tak chu tui in tur indaihlohnain a nuai ang a ti a, tunah pawh hmun tam takah chuan tui a kangchat mek zel a ni.

Khau a puang ang:

Khau nasa takin a puang ang a, heng khaute hian thlai leh buh kung an eichhe zo ang a, India ramah tam a tla ang a ti bawk. A hrilhlawkna zulzuiin 2020 kumah Rajasthan, Gujarat leh Madhya Pradesh ah te khau rualin thlai leh buh kungte an lo eichhe tawh a nih kha.

2022 kumah chuan Virtual Reality chuan hmun a chang tawh ang a, tun dinhmunah pawh Facebook lamah VR hman tum mek a ni.

Khawvel pawn lam mi an huangtau ang:

Vanga sawidanin, asteroid ‘Oumuamua’ an tih chu Alien ten khawvelah nunna zawngin an tirchhuak ang a ti bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!