Your Daily News

HONGKONG AH AN UAR THAR

0 323

Khawvel mihring hnam tinte hian mahni uar zawng infiamna (sport) chi hrang hrang kan nei vek a, hriat sa chuauh pawh duhtawk lovin a chi thar an zawng zel bawk. Tunhnai a Hongkong mipuite rilru latu ber an chintar game thar chu Paratchut tia kan lamrik mai thin van sang atanga sipaite an zuanthlakna puan-ip hmanga tlang sang tak atanga zuan thlak hi a nih thlat chu le.

Feet 10 vela sang thingkungah chuan ka khup hi a nghet thei tawh ngai lo kha a ni a, mahse HongKong khawpui chhunga chengte tan chuan an hawina lam apiangah building sang pui pui chauh lo chu hmuh tur awm hek suh le, chutianga nitin thawpik em em a awm chu an kham ngang a ni ber a, chuvang tak chuan tlang sang tak leh skyscraper (in chhawng sang) atanga puan-ip nena an han zuang thla vel chu van atanga tlak nen dang lo mahse anni tan chuan vanramtlafual a ni ve tlat.

Kum dang ah chuan hetianga zuanthlak ching hi mi 10 tha vel an ni thin a, tunah chuan nitin mi 200 vel an zuangthla ziah thin a ni an ti.

source ‘mizzima’

Leave A Reply

Your email address will not be published.

This site uses Akismet to reduce spam. Learn how your comment data is processed.

WP Facebook Auto Publish Powered By : XYZScripts.com