Your Daily News

Ronaldo’an Harsatna A Hmachhawn Chhunzawm Zel! Sum £50,000 Chawitir Niin Match 2 Khel Thei Lo Tura Hrem A Ni

0 12,600

April thla liam ta a Cristiano Ronaldo’an amah ngaisangtu fan pakhat phone a benthlaksak avang khan a chungah FA chuan hremna a tichhuak ta!

Season liam ta khan Goodison Park-ah Manchester United leh Everton te an inkhel a, inkhelh an zawh hnu chuan Ronaldo’an field a chhuahsan dawnah mipa naupang Jacob Harding phone a kuta a hum lai chu a benthlaksak a, he thil thleng hi FA chuan ennawn lehin, Ronaldo chu £50,000 chawi tur leh Match 2 khel thei lo turin an hrem zui ta a ni.

Report atanga a landanin, Cristiano Ronaldo hian FA thutlukna chu a pawm tih tarlangin mahse, match 2 khel thei lo tura a awm tur erawh a hnialkalh tih an sawi.

Manchester United nen buaina neuh neuh an neih chhoh tak hnuah, Thawhlehni liam ta khan United chuan Ronaldo Contract chu inbiakremna neiin an titawp a, tun dinhmunah a awm dan tur a la chiang thei lo a ni.

Goodison Park a a chetdan mawilo tak avang hian Ronaldo chuan a Instagram page kaltlangin ngaihdam a dil a, a rilru ngaihtuahna buai chu control harsa a tih thu a tarlang ve bawk.

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!