Your Daily News

Virus Darhdan Zirchiang Tura Tirh WHO Mithiamten China Ram An Luhchilh Hnuah COVID-19 Chungchanga An Zirchianna An Puang Ta!

0 1,868

China rama Covid-19 hrileng chungchang zirchiang tura tirh luh, WHO mithiam rualte chuan an zirchianna report chu vawiin Dt.19.1.2021 hian puangin, China sawrkar chuan natna darh tur ven kawngah rang takin hmalakna a kalpui hman tih an tarlang.

WHO hnuaia awm Indenpendent Panel for Pandemic Preparedness and Response lamin a tarlandanin, January 2020 liam ta ah khan mipui hriselna atana hnathawktu, tualchhung leh national health authorities lam chuan khauh takin China ramah natna khuahkhirhna dan lo kalpui chu nise, COVID-19 chu khawvel hmundangah a darh hman lovang tih huai takin an sawichhuak a ni.

China ram, Wuhan khawpuia natna darhdan chhuichiang tur hian WHO chu hmala tawkloah ram tam takin an puh a, WHO Chief Tedros Adhanom Ghebrueyesus pawhin sawiselna a dawng nasa hle bawk. An hmalakna duhkhawp loh avang leh China nena inthurual hial a ngaitu, Donald Trump pawhin WHO nen an thawhdunna chu a lo titawp nghe nghe a nih kha.

Hei bakah hian Chinese health official-te chu natna darh chungchang World Health Organisation hnenah hriattir duh lo ah puh an ni a, virus an hmuhchhuak hmasak ber laiin WHO chu natna chungchang khawvel hriatah puangzar lo turin an hruaikawi tih Whitehouse chuan thuchhuah siamin a lo tarlang tawh bawk.

WHO Chief Tedros Adhanom Ghebrueyesus chuan, “Scientific taka chhuichianna kalpui a nih avangin tumahin natna lo chhuahdanah rinhlelh tur an neih a rinloh thu a sawi lang ve bawk.

Chinese Official data putru atang a lan danin, November 17, 2019 ah COVID-19 case hmasaber hmuhchhuah a nia, January 9, 2020 thleng khan China sawrkar chuan natna avanga thi an awm lo niin a tarlang thung.

Ref: Daily Mail

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!