Your Daily News

Video| Damdawi Inah Oxygen Lam Chiankuanlohna Avangin COVID-19 Damlo ICU A Awm Zawng Zawng An Thifai Vek

0 942

Egypt: Ash Sharqia province, El Husseineya central hospital-ah Oxygen lam chiankuan lohna avangin Intensive Care Unit (ICU) a damlo dahluhte chu an vaiin an thi tih Middle-eastmonitor chuan a tarlang.

He vanduaina rapthlak tak thlen lai hi mi pakhatin video in a lo la a, online lamah a darh nasa hle. A video ah hian Arabic tawngin damlote chu an thi zo, nurse-te tih loh dam an awm lo tih a sawi lang a ni.

Video a landanah damdawi ina emergency thila an hman thin ri ring zet chu hriat a nia, nurse te pawh an mang a ang hle. Nurse pakhat pawh beidawng takin lehlam kila a thu lai hmuh a ni bawk.

An buai lai taka lo awm ve damdawi ina thawk Dr Muhammad Sami Al-Najjar ve thung chuan “Engmah oxygen lamah fellohna a awm lo, kum upa lam leh natna avanga thihdan pangaia thi an ni” a ti ve thung. Egypt health minister Hala Zayed pawhin he thil hi thudang diklo a ni a ti ve bawk.

He thil thleng avang hian Egypt sawrkara thuneihna changtute chu sawisel an hlawhin media lam atang pawhin demna awka a nasa hle. VIDEO

Leave A Reply

Your email address will not be published.

This site uses Akismet to reduce spam. Learn how your comment data is processed.

error: Content is protected !!