Your Daily News

Social Distancing Ngai Pawimawhin Thingler 60ft-a Sangah A Picnic

0 415

“New normal” nunphung thar zawh famkim tumin a tu ate pawh kan inzirtira, khawi hmunah pawh kalin chetla ila Covid-19 laka kan him ngei theih nan ngaih pawimawh tur awm ang angte chu mi pangai chuan zawm ngei kan tum thin a ni.

July 22, 2020 Nilainia (Wed) khan Bath, Park-a in tihhlim tum thian zaho zinga thil thleng erawh fimkhur luat vang pawh nise thil mak tak zawng a tling awm e.

Dai Barrow leh a thian pakhat chuan Royal Park hmuna thingkung lian zetah pa pakhat, thingkung sang taka lawna a tang ngenchhana a thu vah lai an hmu an sawi. Dai hi Bath hmuna khawsa niin engtin nge tiang khawpa thingkung sangah he mihring hi a lawn theih le tiin mak a ti hle a ni. A thingkung lawn chhohna san zawng hi 60ft vel laia sang ani tih Dai Barrow chuan sawiin he pa hi park-ah intihlim tura lo kal a ni tih a sawia, social distancing a ngaih pawimawh em avangin thing ler a bel tih a sawi a ni.

“Social distancing ngaih pawimawh dan tha ber” tiin he pa pakhat thigkunga a amah chauha lawna a picnic lai video hi Facebook lamah a share nghe nghe a ni. Mi tam takin mak an tiin an lawm phian tih a sawi lang bawk.

Ni tam liam hnuah pawh Dai Barrow chuan park-a a thil hmuh chu tunthleng hian mak a ti bang lo tih a sawi.

Mi tam takin engtin nge he thingkung sang lutuk tak maiah hian he pa hi a lawn theih le tiin an sawi chamchi a ni. Dai chuan thingkunga lawna picnic hun hmangtupa hian midang bula hun hman ai chuan thingkung atanga a chhehvel leh mite hawiher thlir kual chu nuam a tih hmel daih zawk a ti nghe nghe.

Thil mak tak tak hian min hual reng zawng a nih hi maw.!

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!