Your Daily News

Rangkachak Laihchhuahna Khur (Mojiang Mine)-a Bak Êk-ah 2012 Khan Coronavirus Hrik A Lo Awm Tawh Tih Scientist-ten An Puang

0 457

Scientist-te hmuhdanin Coronavirus chu Wuhan market-ah niloin Southwestern China, Yunnan Province-a rangkachak laihchhuahna khur Mojiang-ah 2012 khan a lo awm daih tawh tih an sawi chhuak.

Mojiang rangkachak laihna khura hnathawk (workers) 6-te chu Coronavirus natna ang tak-pneumonia, an vei tih hmuhchhuah a nia rei vaklo hnuah mi 3 chu an thi tih an sawi bawk. Hemi hnu hian an tissue samples chu Wuhan Institute of Virology lamah thawn a ni.

Heng hnathawktu mi 6-te hian Mojiang rangkachak khura bak êk chu an tifai tih hriat a nia, Hemi hnu hian an khua a sik zuia khuh ro in an khuh bakah an lu a na zui tih tarlangin, mi 3 chuan a hnuah an thih phah tih an sawi.

Virologist Jonathan Latham leh Molecular biologist Allison Wilson chuan Rangkachak laitute enkawlna petu Chinese doctor lehkha pawimawh leh Wuhan Institute of Virology hmuna samples-te chu zirchianna an nei zui ta a ni.

An Website pakhat, Independence Science News-ah July ni 15 khan “Evidence kan neihte atanga a landanin Covid-19 PANDEMIC lo chhuahna bul pawh a lang ta uar e” tiin an ziak lang nghe nghe. Latham leh Wilson-te zirchianna atanga a landanin 2012 kuma rangkachak khura hnathawk damlo mi 6-te natna lanchhuahdan leh an awmdan chu COVID-19 natna veite awmdan nen a ang tih New York Post chuan a tarlang.

Heng damlote an enkawl dan leh tuna COVID-19 damlote enkawlna an pek dan chu thuhmun ani tih sawiin ventilator bakah heng damdawi Steroid leh blood thinners hmangte a enkawl an ni tih an tarlang bawk.

Test vawi tam tak an neih bakah 2003 kuma SARS natna dona kawnga thawk hlawk ber pawl Chinese Scientist leh virologist lar Zhong Nanshan hnenah pawh he thil hi an sawipui thu leh an inbiaknaah hian Coronavirus kaihnawih thil pawimawh tak tak an sawidun thu pawh Latham leh Wilson chuan an sawi lang bawk.

Latham leh Wilson-te rindanah chuan he virus hi rangkachak khurah insiam danglamin damlote samples chu Lab atang hian talchhuakin pandemic a thlen phah a ni tih an ring nghet tlat ani.

Chinese official-te pawhin Lab atangin virus a piang lo tih sawiin vawiin ni thlengin he an ngaihdan hi an sawhsawn chuang lo ani.

Leave A Reply

Your email address will not be published.

This site uses Akismet to reduce spam. Learn how your comment data is processed.

WP2Social Auto Publish Powered By : XYZScripts.com
error: Content is protected !!